Дэлхий дахинд тархсан COVID-19 цар тахлын энэ хүнд цаг үед эх орон, ард иргэдээ аюулт тахлаас хамгаалан тэмцэж буй эмч, сувилагч, эмнэлгийн ажилчиддаа сэтгэлийн дэм, урам хайрлах сайн үйлсэд Их мастерууд нэгдэж "Хандивын онлайн зэрэг тоглолт”-ыг зохион байгуулахаар болжээ.

Монголын шилдэг шатарчдын хандивын онлайн зэрэг тоглолтонд энхийн цагт эх орныхоо нэрийг тив, дэлхийн тавцанд дуурсгаж, ялалт байгуулж явсан баатрууд болох дараах Их мастер, Олон улсын мастерууд нэгдэж байна. 

1. ИМ Б.Хатанбаатар

2. ИМ Д.Шаравдорж

3. ИМ Ц.Батчулуун

4. ИМ Б.Гүндаваа

5. ИМ С.Билгүүн

6. ИМ Б.Мөнгөнтуул

7. ИМ Т.Батчимэг

8. ИМ А.Энхтуул

9. ИМ Д.Номин-Эрдэнэ

10. ИМ Б.Аминаа

11. ОУМ Г.Мөнхгал

12. ОУМ У.Насанжаргал

13. ОУМ Д.Батсүрэн

14. ОУМ Т.Мөнхзул

15. СМ Ү.Агьбилэг

Уг онлайн тоглолтын нэг онцлог нь шатар тоглодог л бол хэн ч бай их мастеруудаас хэнтэй ч хүч үзэх нь нээлттэй бөгөөд та зөвхөн тоглох өрсөлдөгчөө сонгох ажээ.

Монголын Шатрын Холбооны Тамирчдын зөвлөлөөс санаачлан зохиож буй уг тоглолт энэ сарын 25-ны 18.00 цагаас болно. Иймд тамирчид, шатар сонирхогчдыг урьж, хандивын аянд нэгдэхийг уриалж байгаа юм.  Монголын шатрын холбооноос их мастеруудын танилцуулгыг цувралаар хүргэх гэнэ. Монголын Шатрын Холбооны Тамирчдын зөвлөлөөс санаачлан зохиож буй уг тоглолтод өргөнөөр оролцохыг тамирчид, шатар сонирхогчдыг урьж, хандивын аянд нэгдэхийг уриалж байна. 

---