Өмнөд Африк улсын Крюгер Үндэсний цэцэрлэгт хүрээлэн хаалгаа барьж, хүмүүс хорио цээрийн дэглэмийн үеэр гэрээсээ гарахаа больсон тул хүрээлэнгийн амьтад нуруу тэнийн амрах болжээ. Аялагч жуулчдын хөл хөдөлгөөн ихтэй байсан зам дээр арслангууд тайван унтаж буйг хүрээлэнгийн ажилтан Ричард Соури ажиглан зургийг нь авсан байна.

Тус цэцэрлэгт хүрээлэн өнгөрсөн сарын 25-ны өдрөөс хойш хаалгаа барьжээ. Суоригийн ярьснаар арслангууд өдрийн цагаар зэрлэг байгальд тэнүүчлэн ихэвчлэн шөнө, олны хөл татарсан үед зам дээр гарч ирдэг байжээ. Хэдийгээр амьтны хүрээлэнд хорио цээр тогтоосон ч Соури ажлаа үргэлжлүүлэн зэрлэг ан амьтдыг хулгайн анчдаас хамгаалах үүрэг хүлээжээ.

Арслангууд түүнээс ердөө таван метрийн зайд тайван унтаж байгааг гар утсан дээрээ буулгасан байна. Эдгээр арслангуудын хамгийн хөгшин нь 14 настай байсан гэжээ. Крюгерийн дарсан зураг халдварт өвчинтэй бүх нийтээрээ тэмцэж буй хүнд цагт бага болов ч баяр баясал өгнө гэдэгт итгэжээ.

Өмнөд Африк улсад Ковид-19 цар тахлаар 2,500 гаруй иргэн өвчилж, 34 хүн нас барсан байна. Эрх баригчид хорио цээрийн дэглэмийг дахин хоёр долоо хоногоор сунгажээ.

Эх сурвалжууд: ВВС

---