АНУ коронавирусийн халдварын тархалтаар дэлхийд тэргүүлж байгаа бөгөөд өнөөдрийн байдлаар 677,549 хүн халдварлаж, 34,612 иргэн нас бараад байна. Улсын 40 гаруй мужид хорио цээрийн дэглэм хэрэгжүүлж байгаа ч Ерөнхийлөгч Дональд Трамп 29 мужийн захирагчтай хэлэлцэж удахгүй хорио цээрийг бүрэн цуцалж, бизнесийн үйл ажиллагааг эргэн сэргээхээ мэдэгджээ.

Тэгвэл хорио цээр тогтоосон мужид Ерөнхийлөгч Трампын охин Иванка аялсан нь олны шүүмжлэлд өртөөд байгаа юм. Иргэдийг гэрээсээ гарахгүй байхыг зөвлөж байх зуур өнгөрсөн долоо хоногт Иванка Трамп Нью Жерси рүү аялжээ. Трампын том охин гэр бүлийн хамт Вашингтон мужаас гарч Бедминстер дэх Трампын гольфийн клубт очиж амарсан байна.

Цагаан ордноос иргэдийн шүүмжлэлийн хариуд мэдэгдэл хийж “Иванка Трампын аялал худалдаа, бизнесийн зорилготой байгаагүй. Тэр амралтаа гэр бүлийнхэнтэйгээ хамт гэртээ өнгөрөөхөөр шийдсэн” гэжээ. Мөн энэ бол гадуур зугаалж буй явдал биш ажлаасаа гэрлүүгээ харьж буйтай ижил зүйл хэмээн мэдэгджээ.

Хорио цээрийн дэглэмтэй холбогдуулан хаалгаа барьсан гэр бүлийн амралтын газар руу Иванка нөхөр болон гурван хүүхэд, зөвлөх Жейрэд Көшнерийн хамт явсан байна.

Эх сурвалж: ВВС

---