УИХ-ын чуулганы хуралдаанаар өнөөдөр/2020.04.16/ Эрүүл мэндийн тухай хуульд нэмэлт, өөрчлөлт оруулах тухай хуулийн төслийг хэлэлцэн баталсан юм. Уг хууль батлагдсанаар нийгэмд ихээхэн маргаан дагуулаад байсан Монгол-Япон сургалтын эмнэлэг АШУҮИС-ийн харьяа, сургалтын эмнэлэг гэсэн чиглэлээрээ үйл ажиллагаа явуулах боломж бүрдэж байгаа юм. Уг эмнэлэг харьяалал тодорхойгүй байснаас үүдэн саяхныг хүртэл үйл ажиллагаа нь зогсохдоо тулаад байсан билээ.

Уг асуудлаар УИХ-ын гишүүн Б.Саранчимэгийн хувьд асуулга тавьж хариулт авлаа.

Түүний үзэж буйгаар “Их сургуулийн харьяа эмнэлэг резидентээс гадна судалгаа шинжилгээ хийж, түүндээ тулгуурласан эрдмийн академик сургалт явуулах ёстой” энэ үндсэн үүргийг нь хуулиндаа тусгаж өгөхийг хүссэн юм.

Харин тус эмнэлэг нь Эмнэлзүй, Судалгаа, сургалт гэсэн гурван үндсэн чиглэлээр үйл ажиллагаа явуулна гэдгийг Эрүүл мэндийн сайд онцоллоо. Түүнйи саналыг ч мөн тусгаад явах болмож байгааг дурдсан. 

Ингэснээр АШУҮС-ийн дэргэд байгуулагдсан сургалтын эмнэлэг  олон улсын стандартад нийцсэн сургалт, судалгаа, эрүүл мэндийн үйлчилгээг үзүүлэх боломж бүрдэж байна.

---