АНУ-ын Вашингтон мужийн Ванкувер хотын оршин суугч эмэгтэй коронавирусээр өвчилж, ухаангүй шокын байдалд байхдаа хүүхэд төрүүлжээ.

27 настай Анжела Примаченко гуравдугаар сарын 24-нд коронавирусээр оношлогдсоноос хойш өвчин нь улам хүндэрсэн тул эмч нар түүнийг эрчимт эмчилгээний тасагт шилжүүлсэн байна.

Хиймэл амьсгалын төхөөрөмжид холбох үед Примаченко 33 долоо хоногтой жирэмсэн байжээ. "Нэг сэрэхэд жирэмсэн гэдэс минь байхгүй байхыг хараад үнэхээр их гайхсан" хэмээн бие нь дээрдэж, энгийн тасаг руу шилжсэн Анжела өгүүлжээ.

Нярай охин Ава эрчимт эмчилгээний тасагт эмчийн хяналтан дор байгаа бөгөөд коронавирусийн халдваргүй нь тогтоогджээ. Анжела бямба гарагт эмнэлгээс гарсан ч дахин шинжилгээгээр “сөрөг” гарахаас нааш охинтойгоо уулзах боломжгүй байгаа аж.

Эх сурвалж: ria.ru, mirror.co.uk

---