Жижиг дунд бизнес эрхлэгч залуучуудын зүгээс ЖДҮДС-гаас зээл авсан гишүүдийн хэрэг хэрхэн шийдэгдэж байгаа талаар Авлигатай тэмцэх газарт гишүүн тус бүрийн нэрээр асуулга хүргүүлж буй аж.

Тэдний хувьд тус сангаас зээл авсан УИХ-ын гишүүдийн хэрэг замхарсан уу, шалгагдаж байгаа эсэхэд цагдаа, АТГ-д асуулга хүргүүлжээ. Уг асуулгын хариуд тэд нарт “Энэ хэрэг шалгагдаж байгаа. Мөрдөн байцаалтын ажил үргэлжилж байгаа” гэсэн хариу ирсэн гэлээ. 

Өнөөдрийн байдлаар энэ хэргийг ямар шатандаа явж байгаа талаар асуулга асуухаас өөр ямар нэгэн байдлаар албан тушаалтныг гүтгэх асуудал гарах юм хууль хяналтын байгууллагад шалгуулдаг болчихсон.

Жижиг дунд бизнес эрхлэгч залуучуудын төлөөлөл, иргэн Д.Батдорж: Өмнө нь цахим орчинд өөрсдийн үзэл бодлоо бичсэний төлөө УИХ-ын гишүүн М.Оюунчимэг намайг гүтгэсэн хэмээн цагдаад өгсөн байдаг. Эрх мэдэлтэй хүмүүсийг шүүмжлэх юм бол хуулийн хариуцлага хүлээдэг ийм нийгэмд амьдарч байна. Энэ асуудал сонгуультай ямар ч холбоогүй гэдгийг хэлмээр байна. Харин ч сонгууль гээд ЖДҮДС-гаас зээл авсан УИХ-ын гишүүдийн хэрэг хэрэгсэхгүй болчхоод байгаа тул залуучууд бид нар холбогдох газарт нь асуулга асууж байгаа талаараа мэдээлж буй хэрэг юм гэх тайлбарыг өглөө.  

---