Улсын Их Хурлын 2020 оны ээлжит сонгуулийн хуваарийн дагуу 4 дүгээр сарын 15-ны өдрөөс өмнө аймаг, нийслэлийн сонгуулийн хороодыг байгуулах ёстой. Тиймээс Сонгуулийн ерөнхий хороо өнөөдөр аймаг, нийслэлийн сонгуулийн хороодоо багуулах ажээ. 

Сонгуулийн хороо аймаг нийслэлд 9, сум дүүрэгт 7 хүний бүрэлдэхүүнтэй байна. Сонгуульд нийт 22 мянга орчим төрийн албан хаагч ажиллах бөгөөд мэдээлэл технологийн баг, улсын бүртгэлийн итгэмжлэгдсэн баг зэргийг нэмбэл 25-26 мянга орчим хүн ажиллах тооцоо гарчээ.

Улсын Их Хурлын сонгуулийн тухай хуульд заасны дагуу сонгуулийн хороодод ажиллах төрийн захиргааны болон төрийн үйлчилгээний албан хаагчид  нь сонгуулийн тухай хууль тогтоомжийн сургалтад хамрагдан гэрчилгээ авсан байх шаардлагатай.

Тиймээм Сонгуулийн ерөнхий хороо 3 дугаар сарын 17-ны өдрөөс 4 дүгээр сарын 10-ныг дуустал өөрийн цахим хуудсаар сургалтын бүртгэлийг явуулж, нийт 11979 төрийн албан хаагчид бүртгэжээ.

Улмаар сургалтыг цахим хэлбэрээр, тодорхой үе шаттай явуулж байгаа юм байна.   

---