Коронавируст халдвар /COVID-19/-ын цар тахлын үед санхүү, эдийн засгийн тогтвортой байдлыг хангах, эрсдэлээс урьдчилан сэргийлэх, цахим шилжилт хийх арга хэмжээний тухай Тогтоолыг УИХ батлах гэж байна. Тогтоолоор арван арга хэмжээ авах гэж байгаа талаар УИХ-ын дарга Г.Занданшатар мэдээлэл хийх үеэр хоригдлуудад өршөөл үзүүлэх асуудлыг хөндлөө. 

Энэ талаар УИХ-ын дарга Г.Занданшатар: 

-Цар тахлын үеэр аливаа бөөгнөрөлийг сийрэгжүүлэх, хүмүүс бөөгнөрүүлэхгүй байх, цөөрүүлэх арга хэмжээг төр засгаас авч хэрэгжүүлж байгаа. Энэ бол өршөөл уучлал гэхээсээ илүү эрсдэлийн үнэлгээ өндөр бүлэгт авч хэрэгжүүлж байгаа арга хэмжээ. Эрсдэл өндөртэй, дархлаа султай нийгмийн эмзэг бүлгүүдээ анхаарах ёстой гэлээ. 

Цар тахалтай холбоотойгоор УИХ-аас хөнгөн ялтай ялтнуудад төрийн өршөөл үзүүлж, суллах талаар ид яригдаж байна. Хуулийн төслийн ажлын хэсгийг хэн ахалж байгаа болон УИХ-аар хэзээ батлагдах нь тодорхойгүй байгаа ч хөнгөн ялтай ялтнуудыг суллах яриа бодитойг УИХ-ын даргын яриа баталлаа. 

---