“Зөв амьдрах ухаан” ТББ-д амьдарч буй хүмүүс яг одоо өөрсдийнхөө хашаанд эсэргүүцлийн цуглааныг зохион байгуулж байна. Жагсагчид “Биднийг гүтгэн доромжилж байгаа Д.Халиунааг энд авчрахыг шаардаж байна. Тэр хүн биднийг гүтгэн доромжлохынхоо оронд бидэнтэй ирж нүүрэлдэх ёстой. Биднийг гудамжинд архи уугаад хэвтэж байхад та нарын хэн нь ч бидэнд гараа сунган туслаж байгаагүй биз дээ. Харин энэ Г.Загдаа биднийг амьдрах байр, идэх хоолтой болгосон. Тэр балиар хүүхэн хүүхдээ тэжээж чадахгүй хэмээн энд авчирч хаячихаад явсан. Тэгсэн атлаа хүүхдийг нь хооллож, ундалж, тэжээж өсгөж байгаа хүнийг ингэж муухайгаар харлуулан гүтгэхээ зогсоо. Тэр хүүхэд хамгааллын 108, ГБХЗХГ-ынхан өмнө нь ядарсан, архинд орсон иргэдэд нэг ч удаа гараа сунгаж байгаагүй байж ингэж дайрч болж байгаа юм уу” хэмээн хашхичиж байв.

---