Сангийн яам, татварын байгууллагаас НӨАТ-ын урамшууллын буцаан олголтыг энэ оноос эхлэн улирал тутам олгохоор болсон. 2020 оны эхний улирлын буцаан олголтыг энэ дөрөвдүгээр сард олгохоо мэдэгдээд буй. Тиймээс НӨАТ-ын эхний улирлын төлбөрийн баримтыг бүртгүүлэх сүүлийн өдөр өнөөдөр дөрөвдүгээр сарын 8-ны оройн 23.59 цагаар тасалбар болж байна.

Баримт бүртгэгдэж дууссаны дараа НӨАТ-ын буцаан олголтын I улирлын тоон мэдээлэл гарах юм. Сангийн яамнаас мэдээлж буйгаар эхний улирлын буцаан олголтод нийт 860 мянган иргэн хамрагдаж, 40 тэрбум төгрөгийг буцаан олгох юм байна. Нэг хүн дунджаар 47 мянган төгрөгийн буцаан олголт авах тооцоо гарчээ.

---