Канадын Засгийн газар ажлаа алдсан хүмүүст сард 2000 ам.долларыг дөрвөн сарын турш олгохоор болсон бол, америкчуудын дийлэнх нь 1200 ам.долларын мөнгөн тусламжийг авах төлөвтэй байгаа. ХБНГУ-ын Засгийн газар 50 тэрбум евро нь жижиг бизнес эрхлэгчид болон хувиараа хөдөлмөр эрхлэгчдэд зориулсан буцалтгүй тусламж болсон. 

Харин зургаан газарт онцгой байдал зарласан Япон улсын Ерөнхий сайд Шинзо Абэ 108 их наяд иен буюу 989 тэрбум ам.долларын тусламжийн багцыг баталжээ.

Эдийн засгийн үйлдвэрлэлийн 20 орчим хувьтай тэнцэх уг багцаас айл өрх болон жижиг бизнес эрхлэгчдэд 6 их наяд иений бэлэн мөнгө тарааж, бизнес эрхлэгчдийг 26 их наяд иентэй тэнцэх татвар, нийгмийн үйлчилгээний зардлаас түр чөлөөлсөн байна.

Багцын эхний үе шат нь ажилгүйдэл, дампуурлыг зогсоох зорилготой бол хоёр дахь шат нь вирусийн тархалтыг хяналтандаа авсны дараа V хэлбэрийн эдийн засгийн сэргэлтийг дэмжих зорилготой юм.

Мөн вирусийн тархалтын улмаас ажилгүй болсон бага орлоготой өрхүүдэд 300 мянган иенийг тараахаар төлөвлөж байгаа бөгөөд хүүхэдтэй өрхүүд ч мөн ижил төрлийн тусламж авах аж.

Эх сурвалж: fortune.com

---