УИХ-ын гишүүн, ХХААХҮ-ийн сайд асан Б.Батзоригт холбогдох албан тушаалын байдлаа урвуулан ашиглаж, улсад их хэмжээний хохирол учруулсан гэх хэргийн шүүх хурал өнөөдөр Баянзүрх дүүргийн эрүүгийн хэргийн анхан шатны шүүхэд товлогдсон хэдий ч дахин хойшилжээ.

Өнөөдрийн шүүх хуралдаанд шүүгдэгч Б.Батзоригийн өмгөөлөгч Б.Мөнхбат нь эрүүл мэндийн шалтгааны улмаас хуралд оролцож чадахгүй нь гэх эмчийн магадлагаа ирүүлснийг шүүх хүлээн авч, дөрөвдүгээр сарын 22-ны өдрийг хүртэл хойшлуулсан байна.

Шүүгчдэгч Б.Батзориг нь өнгөрсөн баасан гарагт УИХ-ын гишүүнээс чөлөөлөгдөх өргөдлөө гаргаж, би зөвхөн “Уучлалт гуйж байна” хэмээн олон нийтийн сүлжээгээр мэдэгдэж байсан билээ.

---