Налайх дүүргийн 6 дугаар хороо, Горхи Тэрэлжийн байгалийн цогцолбор газарт энэ сарын 5-ны өдөр амрагч иргэдийн хайхрамж, болгоомжгүйгээс болж гал түймэр гарч ОБХ, хорооны иргэд хамтарч унтраажээ.

Хүн хүч, машин техник, бензин тос, хөрөнгө мөнгийг тооцож болох ч байгальд учруулсан экологийн хохирол тооцох аргагүй.

Иймд дөрөвдүгээр сарын 30 буюу хорио дуустал энэ бүс нутагт оршин суугчдаас бусад иргэдийг зорчихыг хориглох санал оруулахаар болжээ.

Бид бүхний амьсгалах агаар, амьдрах эх дэлхий минь нэг тиймээс дор бүрнээ ухамсартай байж ирэх амралтын өдрүүдээр агаар салхинд гарахгүй байх, гарсан ч гал тавихгүй байхыг анхааруулж байна.

 

---