Япон Улс 10 мянга, 5000, 1000 иений мөнгөн дэвсгэртийнхээ загварыг шинэчилж, хуурамчаар үйлдэхээс сэргийлэх зорилгоор ирмэгийг нь өөрчлөхөөр болсон тухай “NHK” агентлаг онцолжээ. Гэхдээ уг шинэчлэлээ 2024 оноос хийх юм байна. Түүнчлэн дээр дурдсан мөнгөн дэвсгэртүүд дээр бизнес эрхлэгч Эйичи Сибүсава (1840-1931), сурган хүмүүжүүлэгч Юмэко Цүда (1864-1929), бактериологич Сибасабүро Китазато (1853-1931) нарын хөргийг хэвлэхээр төлөвлөжээ.

Сибүсава нь Японы капитализмын эцэг гэдгээрээ алдартай. Тэрбээр Японы орчин үеийн анхны банк болох “Анхны үндэсний банк”-ийг байгуулж байсан юм. Одоо уг банк нь “Мизүхо” банк болсон. Цүдагийн хувьд христийн шашинтан байсан бөгөөд япон эмэгтэйчүүдэд боловсрол олгох чиглэлд ихээхэн хувь нэмэр оруулсан нэгэн юм. Тэрбээр Токио хот дахь “Цүда” их сургуулийг байгуулжээ. Харин Китазато нь сахуугаас урьдчилан сэргийлэх аргыг нээж байсан. Одоогийн 10 мянган иений мөнгөн дэвсгэртэд соён гэгээрүүлэгч Юкичи Фүкүзава, 5000 иений мөнгөн дэвсгэртэд Мэйжигийн эриний зохиолч Ичиё Хигүчи, 1000 иений мөнгөн дэвсгэртэд микробиологич Хидэё Ногүчи нарын хөрөг байдаг ажээ.

Эх сурвалж: https://japantoday.com/category/national/Japan-to-redesign-banknotes

---