“Тусгай үүргийн онгоцоор эмэгтэйчүүд, жирэмсэн эмэгтэйчүүд, хүүхэд, өндөр настан, хөгжлийн бэрхшээлтэй иргэдийг нэн тэргүүнд авчирна” гэж Засгийн газрын тэргүүн цохон тэмдэглэсэн. Гэтэл тусгай үүргийн онгоцоор дээрх хүмүүс биш, эрхтэн дархтаны хүүхэд, дипломат ажилтнууд ирж байсан нь ил боллоо.

Гуравдугаар сарын 2-ны Берлин-Москва-Улаанбаатарын чиглэлийн онгоцоор УОК-ын дарга, Шадар сайд Ө.Энхтүвшингийн хүү Э.Золбоо бизнес суудалд суун ирсэн нь тодорхой боллоо. Гэтэл өнөөдөр Монгол дахь БНТУ-ын ЭСЯ-ны гурван ажилтан Сөүл-Улаанбаатарын нислэгээр ирсэн ба хоёроос нь коронавирусийн халдвар илэрснийг ХӨСҮТ зарлалаа.

Ийм байхад гадаадад байгаа иргэдийн “Бичүүлсэн дарааллаар тасалбар бичихгүй байна” гэж бухимддаг нь зүй ёсны юм байна. Зорчигчдын нэрсийг ил тод зарла гэж хэлдэг нь ч аргагүй ажээ.

АНУ-аас 1000, БНСУ-аас түүнээс ч олон мянган хүн ирэх хүсэлтээ илэрхийлээд байгаа. Ингэж арын хаалгаар “тусгай” хүмүүс авчрах байсан юм бол “Хүүхдээ ирснийг мэдээгүй” гэж хэлж байгаа Шадар сайдын ам руу алгадаад, зорчигчдын нэрсийг ил тод байршуулахыг шаардацгаая.
Учир нь, Сөүлээс ирэх 251, Токиогоос авчрах 255 иргэний бүртгэл баталгаажаад байна. Авчирсны дараа иймэрхүү хэрүүл маргаан гарахгүй гэх баталгаа алга шүү дээ.

---