Тайланд улсын 67 настай хаан Маха Важиралонгкорны хувийн амьдрал хэзээнээсээ олны анхаарлын төвд байдаг билээ. Тэгвэл халдварт тахал дэлхийн нийтийг хамарч буй үед эзэн хаан 20 татвар эмийн хамт ХБНГУ-ын тансаг зэрэглэлийн зочид буудалд тусгаарлагджээ.

Хаан Важиралонгкорн Германы Альпийн нурууны амралт сувиллын тосгон дахь Grand Hotel Sonnenbichl-ыг тусгай зөвшөөрлөөр бүхэлд нь захиалан авсан байна. Олон улсын хэвлэлүүдэд Тайландын хаан тусгаарлагдсан гэдгээс илүү тэрбээр 20 татвар эмийн хамт бүхэл бүтэн зочид буудал түрээслэн суусан нь анхаарал татаж байгаа тухай онцлон мэдээлжээ.  

Зарим эх сурвалжуудад эзэн хаан татвар эмс, бараа бологчдын хамт томоохон хэмжээний үдэшлэг зохион байгуулахаар ирсэн боловч тэднийг дагалдаж байсан 119 хүнийг Тайланд руу албадан буцаасан байна. Хааны дөрөв дэх эхнэр онгоцны үйлчлэгч асан Сутида Тиджай хамт байгаа эсэх нь тодорхойгүй ажээ.

Хааны тансаглал Тайландын ард түмний дунд талцал бий болгосон байна. Германы хэвлэлд энэ тухай мэдээлэл тавигдсанаас хойш 24 цагийн дотор “Бидэнд яагаад эзэн хаан хэрэгтэй вэ” гэсэн хаштагийг Твиттер хуудсанд 1,2 сая удаа ашиглажээ. Хаан хоёрдугаар сараас хойш олон нийтийн өмнө харагдаагүй ба улс оронд нь коронавирусийн 1,500 гаруй тохиолдол бүртгэгдэж, 10 иргэн нас бараад байна.

Эх сурвалж: New York Post

---