Коронавирусийн халдварийн улмаас хэдийгээр нөхцөл байдал амаргүй байгаа ч эерэг, нааштай үр дүнгүүд манай улсад гарч байгаа билээ. Бид вирус гэж юу болохыг мэдэж, нийтээрээ ариун цэврээ сахиж, АТМ-д дугаарлахдаа 1 метрийн зай барьж, олон нийтийн газраас явахдаа амны хаалт хэрэглэж сурсан зэрэг эерэг өөрчлөлтүүд гараад байгаа юм. Коронавирусийн халдвар гарснаас хойш Монголын нийгэм болон иргэдэд ямар эерэг өөрчлөлт гарсан талаар иргэдийн байр суурийг хүргэж байна.

Иргэдийн хувьд бид нэг хүнээр дамжин халдвар тархдаг, вирус гэж чухам юу гэдгийг ойлгохоос гадна хувийн ариун цэврээ сахих соёлд суралцаж байна гэсэн юм. Түүнчлэн залуус чөлөөт цагаа үр бүтээлтэй өнгөрүүлж, цахимаар гитар тоглож сурч, цахим хичээллийг үр дүнтэй суралцах арга барилд суралцаж буйгаа илэрхийлэв. Ялангуяа иргэд маань гараа угаах, амны хаалт зүүхийг өдөр тутамдаа хэрэгжүүлдэг болсон нь сайшаалтай хэрэг хэмээн үзэж байв. 

---