Хөгжлийн банкны гүйцэтгэх захирал Г.Амартүвшин ажлаа өгснөөс хойш уг албан тушаалыг түр орлон гүйцэтгэгчээр тэргүүн дэд захирал Ч.Энхбатыг томилоод байв. Тэгвэл өнгөрсөн долоо хоногийн сүүлч буюу гуравдугаар сарын 27-ноос түүнийг эрүүгийн хэрэгт шалгаж эхэлсэн тухай "Өнөөдөр" сонинд мэдээлэв. 

Түүний албан тасалгаа болон гэр гэх мэт цөөнгүй газар АТГ-ынхан нэгжлэг хийжээ. Ч.Энхбатын үндэслэлгүйгээр хөрөнгөжсөн, эд хөрөнгөө тайлбарлаж чадаагүй хэмээн АТГ-ынхан үзэж, нийслэлийн Прокурорын газраас хэрэг бүртгэлтийн хэрэг нээж, мөрдөн шалгах ажиллагаа явуулах зөвшөөрөл олгосноор өнгөрсөн баасан гаргаас нарийвчилсэн шалгалт эхлүүлжээ. 

Одоогоор хэдий хэмжээний хөрөнгийнхөө эх үүсвэрийг тайлбарлаж чадаагүй талаарх мэдээллийг өгөх боломжгүй, цагдан хорьж шалгах шаардлага гараагүйг хууль сахиулагчид хэлсэн байна. 

---