Дорнодын Цагаан-Овоо сумын Бухт гэх газарт ой хээрийн түймэр гарсан гэх дуудлага 10:00 цагт ирж, ээлжийн аврагчид, нутгийн иргэд түймрийн голомтод ажиллаж 14:30 цагт унтраасан байна. Гэтэл Цагаан-Овоо сумын 2-р багийн нутагт дахин түймрийн дуудлага ирсэн бөгөөд салхи баруунаас зүүн тийш чигтэй, хүчтэй байна хэмээн тус сумын Засаг дарга дурдлаа.

Он гарсаар Дорнод аймгийн Баян-Уул, Баяндун, Булган, Хөлөнбуйр сумдад ой хээрийн 4 удаагийн түймэр гарсныг нутгийн иргэдтэй хамтран Онцгой байдлын газрын ангиуд унтраагаад байна. Хуурайшилт эхэлсэн энэ үед иргэд сонор сэрэмжтэй байх, машин техникийнхээ аюулгүй байдлыг хангах нь чухал байгааг Бүсийн төв Онцгой байдлын газраас анхааруулж байна.

---