ОХУ-ын нутаг дэвсгэрт харьяалагддаг Курилийн арлын орчимд 7,5 магнитудын хүчтэй газар хөдлөлт өнөөдөр бүртгэгджээ. АНУ-ын газарзүйн судалгааны газраас газар хөдлөлтийн дараа цунамийн сэрэмжлүүлэг дохио өгсөн байсан ч цуцалжээ.

Газар хөдлөлтийн голомт Японы Саппоро хотоос зүүн хойшоо 1,400 км-т хөрсний гүний 59 км-т бүртгэгдсэн байна. Одоогоор байгалийн гамшгийн улмаас гарз хохирол учирсан талаар мэдээлэл ирээгүй.

Номхон далайн цунамийн анхааруулах төвөөс эхлээд газар хөдлөлтийн голомтоос 1,000 км дотор асар хүчтэй цунамийн давалгаа үүсч болзошгүй гэжээ. Харин удалгүй цунамийн давалгаа аюулгүй хэмээн мэдэгдсэн байна.

Курилийн арлууд нь Орос, Японы маргаантай газар нутаг бөгөөд Японы эрэг, Номхон далайн эргийн Хавайд газар хөдлөлт хүчтэй мэдрэгдэж болзошгүй тухай сэрэмжлүүлээд байжээ.

Эх сурвалж: The Guardian

---