Засгийн газар ээлжит хуралдаанаа хийж хэд хэдэн шийдвэр гаргажээ. Юун түрүүнд хөдөлмөр, нийгэм халамжийн хүрээнд гарч буй шинэчлэл, шинээр мөрдөгдөж буй журам, тогтоолуудын талаар Хөдөлмөрийн сайд С.Чинзоригоос тодрууллаа. 

Хөдөлмөр, нийгэм хамгааллын сайд С.Чинзориг:

-Ахмадуудын 2-р сарын тэтгэврээс зээл тооцохгүй олгож эхэлсэн. Мөн 1-р сарын тэтгэврэээс тооцсон зээлийг буцаан олгож байна. үүнд 46 тэрбум төгрөг зарцуулж байна. 2-р сарын тэтгэврийн зээл болох 57,9 тэрбум төгрөгийг олгосон. Нийтдээ тэтгэврийн зээлийн 105 тэрбум төгрөгийн төлбөр эзэддээ очоод байна.

Зургаан сарын хугацаатай тэтгэврийн урьдчилгаа олгох шийдвэр гаргасан гэсэн?

Урьдчилсан байдлаар зургаан сарын хугацаатай тэтгэврийн зээл олгоно. Ингэхдээ зээлийн хүү зургаан хувиас хэтрэхгүй байхаар тооцоолсон. Хараахан бүрэн, дүүрэн батлагдаагүй байна. Ямартай ч сар шинээс өмнө уг асуудлыг шийдвэрлэнэ.

Мөн тэтгэвэр тэглэхтэй холбогдуулан “Эрдэнэс монгол” компани дээр бонд гаргах журмуудыг өнөөдрийн Засгийн газрын хуралдаанаар баталсан.

МСҮТ-д суралцах залуусын тэтгэмжийг нэмэгдүүлж 200 мянга болгосон. Мөрдөгдөж эхэлсэн үү?

Мэргэжлийн боловсролыг дэмжих үүднээс мэрэгжлийн боловсролын байгууллагнад ажиллаж буй багш нарыг компьютержүүлэх, багш нарын цалин дээр улиралд 15 хувийн нэмэгдэл олгох арга хэмжээнүүд авч эхэлсэн. Мөн суралцагчдад олгодог тэтгэлэгийг 200 мянга болгосон. Үүнд 79 тэрбум төгрөг төсөвлөсөн. Тэтгэлэгийг 45 хүртэлх насны суралцагчдад олгохоор тусгасан. Мөн ажил олгогчдын захиалгаар залуучуудыг зургаа хүртэлх сарын хугацаатай мэргэжлийн боловсролын байгууллагад суралцуулах үед 200 мянган төгрөгийн тэтгэмж олгоно.

 

---