Японы мэргэжлийн сумо бөхийн хару башёгийн 13 дахь өдрийн барилдааны тоймыг толилуулж байна. 

Энэ өдөр аваргууд ээлжит даваагаа авахын сацуу башёг ганцаараа тэргүүлж байсан Аойяама өвдөг шороодлоо. Тодруулбал их аварга Хакухо М.Даваажаргал /11-2/ секиваке Асанояамаг /10-3/ уламжлал ёсоор /3:0/ давлаа. Какүрюү М.Ананд /11-2/ аварга озеки Такакейшог /6-7/ дөрөв дэх удаагаа давлаа. 

13 дахь өдрийн барилдааны өмнө маэгаширагийн 13-т эрэмбэлэгдэж буй Аойяама ганцаараа башёг тэргүүлж байсан ба энэ өдөр маэгаширагийн 9 дэх бөх Таканошод өвдөг шороодсоноор 11 даваа хоёр унаатай болж даваа, унааны харьцаа нь аваргуудтай ижил боллоо. 

13 өдрийн дараах байдлаар хару башёгийн таван зиндаанд барилдаж буй Монгол бөхчүүдийн даваа, унааны дэлгэрэнгүй мэдээлэл

Макүүчи зиндаа

Ёкозүна Хакүхо М.Даваажаргал 11:2 
Ёкозүна Какүрюү М.Ананд 11:2
Кирибаяама Б.Лхагвасүрэн 7:6
Азүмарюү С.Тодбилэг 5:8
Тамаваши Б.Мөнх-Оргил 4:9

Жүрёо зиндаа

Тэрүнофүжи Г.Ган-Эрдэнэ 9:4
Хошорюү С.Бямбасүрэн 8:5
Ичиножо А.Ичинноров 8:5
Кёкүшүхо Т.Эрдэнэбаатар 7:6
Чиёошома Г.Мөнхсайхан 6:7
Дайшохо Ч.Шижирбаяр 4:9
Миторюү Б.Төрболд 3:10

Макүшита зиндаа

Кёкүсотэн Э.Энхманлай 6:1
Кагамио Б.Нанжид 4:3
Сакигакэ Я.Баттүшиг 3:4
Саданохикари Д.Наранцогт 2:4

Санданмэ зиндаа

Дайтэнма Н.Чинзориг 4:2
Хокүтэнкай Г.Сүхбат 2:4
Ёүшояма Б.Анхбаяр 4:3

Жонидан зиндаа

Дэванорюү Т.Тэмүүлэн 7:0