Дэлхий нийтийг хамарсан Ковид-19 тархалтын нөлөөгөөр мэдээллийг хариуцлагатайгаар олон нийтэд түгээх асуудал хөндөгдөж байна. Ийм үед, хэвлэл мэдээллийн редакц, сэтгүүлчид хэрхэн яаж, зөв зохистой мэдээллээ нийтэлж, нэвтрүүлэх, үзэгч юуг анзаарах, төрийн байгууллагууд юуг онцолж олон нийтэд түгээх хэрэгтэй талаар Хэвлэлийн Хүрээлэнгийн гүйцэтгэх захирал М.Мөнхмандахтай ярилцлаа.

Ковид-19 халдварын тархалтын үед айдас түгшүүр төрүүлэхүйц үг хэллэгийг хэвлэл мэдээлэлд хэрэглэх нь иргэд мэдээллийг гуйвуулах боломжтой болж байгаа. Иймээс энэ цаг үед сэтгүүлчид үг хэллэгтээ сэтгэл хөдлөлөөр хандахгүй байх. Заримдаа өдөр тутмын мэдээлэл дунд сэтгүүлч нарын амьдрал өрнөж байгаа тул ерөнхий том зураглалаа хааяа даа мартах гээд байдаг. Иймээс иргэдийг айдаст автуулахаас сэргийлж, өргөн хүрээнд халдварын цар тахлыг мэдээлэх хэрэгтэй.

Сүүлийн үед үзэгчид аливаа мэдээллийг эх сурвалж нь юу вэ, үнэн эсэхийг нягталдаг хэвшилтэй болж байна. Халдварын энэ үед баталгаагүй мэдээллийг бусдад түгээхгүй байх нь хамгийн зөв зүйл. Иймээс эргэлзээтэй мэдээллийг өнгөрөөж сурах хэрэгтэй.

Түүнчлэн төрийн байгууллагууд сошиал медиа дээрх хэлэлцүүлэгт анхаарал хандуулж, шийдвэр гаргаж байна. Гэтэл сошиал медиа нийгмийн бүхий л давхаргыг хамарч чадахгүйгээс гадна бодит судалгаа болж чадахгүй. Иймээс сошиал медиад тулгуурласан улс төрийн шийдвэр гаргах үйл явц өнөөдөр явагддаг болоод байна.

Ковид-19 халдварын тархалтын цаана нийгмийн амьдрал хэвээрээ үргэлжилж байгаа. Халдвар бага багаар намжина. Цаашид Ковид-19-ийн дараа хэрхэн амьдрал өрнөх вэ гэдэг нь бас сонирхолтой.

 

---