Засгийн газрын хуралдааны үеэр Монгол улсын Ерөнхий сайд У.Хүрэлсүх коронавирусийн халдварын тархалтын үед өндөржүүлсэн бэлэн байдлын дэглэмийг бүх нийтээр сайн дагаж мөрдөх ёстой болон зөрчсөн этгээдүүдэд хариуцлага тооцож ажиллахыг сануулжээ. 

Монгол улсын Ерөнхий сайд У.Хүрэлсүх: 

-Монгол улсын Ерөнхий сайдын хувьд ганц л зүйл хэлж байгаа. Засагла! Өвчин зовлон дээр хэвлэлээр улс төр хийх санаа бодолтой хүмүүс байгаа. Энэ хүмүүстэй хариуцлага тооц.

Жирэмсэн, өндөр настай, өвчин зовлонд ороогдсон хүмүүсээ татаж авчрах ёстой. Энэ бол Үндсэн хуулийн хүрээнд хийгдэж байгаа ажил. Монгол хүн эх орондоо ирж, эрүүл мэндээ хамгаалуулах ёстой. Авчирсан хүмүүсээ хорио цээрийн дэглэмийн хугацаанд байлгах ёстой. Бид нар вакум орчинд халдварыг барьж авч чадлаа. Нэг ч хүний амь нас битгий эрсдээсэй гэж ажиллах ёстой гэв. 

---