Америкийн Үндэсний сагсанбөмбөгийн холбооны Бруклин Нетс багийн дөрвөн гишүүн коронавирусийн шинжилгээгээр эерэг хариу гарсны дунд Кевин Дурант багтжээ. Тэдний нэгт нь халдварын шинж тэмдэг илэрсэн бөгөөд үлдсэн гуравт нь шинж тэмдэг илрээгүй байна.

Шинжилгээгээр коронавирусийн халдвар авсан нь илэрсэн дөрвөн тоглогчийг тусгаарлаж, эмнэлгийн тусламж үйлчилгээ үзүүлжээ. Эх сурвалжийн мэдэгдэж байгаагаар 31 настай тоглогч Дурантад халдварын шинж тэмдэг илэрсэн эсэх болон бусад гурван тамирчны нэр тодорхойгүй байна.

Холбогдох хүмүүс эдгээр халдвар авсан тамирчидтай ойр дотно харилцсан хүмүүсийг шалгаж, орон нутгийн эрүүл мэндийн байгууллагатай хамтран ажиллаж байгаа ажээ. Бруклин Нетс багийн гишүүд тоглогчдыг тусгаарлан ажиглаж байна.

Юта Жазз багийн тоглогч Руди Гоберт Ковид-19 цар тахлаар халдварсан нь илэрсний дараа АНУ-ын Үндэсний сагсанбөмбөгийн холбоо NBA улирлын тоглолтоо түр хугацаагаар хойшлуулаад байгаа юм. Тус багийн Донован Мичелл, Детройт Пистонс багийн тоглогч зэрэг лигийн долоон тамирчин коронавирусийн шинжилгээгээр эерэг хариу сонсоод байна.

Эх сурвалж: CNN

---