Цаг агаар дулаарч буйтай холбогдуулан  нийслэлийн хотын гудамж талбай, иргэд олноор зорчдог газар, барилга байгууламж, автобусны буудлуудад ариутгал халдваргүйжүүлэлтийг нэгдсэн зохион байгуулалттайгаар хийхээр болжээ.

Ариутгал, халдваргүйжүүлэлтийн ажил өнөөдөр 14.00 цагаас Сүхбаатарын талбайгаас эхлэх бөгөөд  цаашид тогтмол хуваарийн дагуу хийгдэнэ гэдгийг Улаанбаатар хотын ЗАА-аас мэдээллээ. Энэ долоо хоногийн хувьд өнөөдөр маргааш хотын гол гудамж талбайд, пүрэв, баасан гарагуудад гэр хорооллын гудамж талбайд ариутгал халдваргүйжүүлэлт хийх юм байна.

Уг ажлыг нийт 180.8 км урт хатуу асфалтан зам, 9.2 сая метр квадрат нийтийн эзэмшлийн талбай, гэр хорооллын гудамжуудад хийх бөгөөд тусгай зөвшөөрөлтэй 38 компанийн 164 ариутгагч, 27 моторт төхөөрөмжөөр, 33 манацар үүсгэгч, 176 автомакс, халдваргүйтгэлийн тусгай зориулалтын гурван машинаар, Хот тохижилтын газрын мананцар үүсгэгч том оврын таван машин  техникийг ашиглах хийх юм байна.

 

---