Улс, хот хоорондын автозамын хөдөлгөөнийг энэ сарын 09-өөс эхлэн 16-ныг хүртэл хаасан билээ. Тэгвэл зам хааснаас хойш өнөөдрийг хүртэлх хугацаанд авто замын постуудаар Улаанбаатар хот руу 4216 тээврийн хэрэгсэлтэй 11.892 хүн нэвтрэн орж, 2783 тээврийн хэрэгсэл бүхий 7700 хүн гарч, нийт 6999 тээврийн хэрэгсэл 19.592 хүн нэвтэрчээ.

Дээрхээс 419 нь албан томилолттой, эмнэлгийн 139, гачигдалтай 208, ачаа тээврийн 1450 тээврийн хэрэгсэл байжээ.

Өнөөдрийн байдлаар нийслэл, орон нутгийн нутаг дэвсгэрийг бүсчлэн хаах хяналтын 1020 цэгт цагдаа, дотоодын цэргийн 897 алба хаагч, Онцгой байдлын ерөнхий газар, Мэргэжлийн хяналтын газар, Эрүүл мэндийн яам, Мал эмнэлэгийн ерөнхий газар, Авто тээврийн үндэсний төвийн 2409 ажилтан, алба хаагчид хорин дөрвөн цагаар үүрэг гүйцэтгэж байна.

---