Өнөөдөр өглөө 09:00 цагт Засгийн газар хуралдаж эхэлсэн. Хуралдаанаас гаргасан зарим шийдвэрийн талаар ЗТХ-ийн сайд Б.Энх-Амгалан танилцууллаа.

Засгийн газрын хуралдаанаар Улаанбаатар хотын түгжрэлийг шийдэхийн тулд хоёр шийдвэр гаргажээ.

1-рт, Үндэсний хөгжлийн газарт “Тэнгэрийн тойрог” зам барих төсөл хэрэгжүүлнэ.

Хотын А бүсэд 6-12м өндөрт 13 км урт, 2 урсгал, 4 эгнээтэй, төлбөртэй, хоёр түвшний замтай болно. 27 орох, гарах цэгтэй. Үүнийг барьснаар замын түгжрэл 46 хувиар буурна. Агаарын бохирдлыг 20 хувь бууруулна.

Нийт хөрөнгө оруулалт 800 сая доллар. Нэг тээврийн хэрэгслээс км тутамд 1 доллар буюу 15км тутамд 15 доллар авч зургаан жилийн дотор зээлээ төлнө гэж тооцоолжээ.  

Сансарын аюулгүйн тойрог- Зүүн 4 зам- Нарантуул- Дүнжингарав- Үндэсний цэцэрлэгт хүрээлэн - ХУД - Нарны гүүр – Баруун 4 зам -Гэсэр сүм -100 айл гэсэн тойрог байх юм.

Уг замыг барихад Засгийн газар болон орон нутгийн төсвөөс нэг ч төгрөг гаргахгүй. Зөвхөн концессоор хийнэ. Зураг төсөл боловсруулах, барих,  ашиглах, шилжүүлэх гэсэн 25 жилийн хугацаатай төсөл.

2-рт, 60,7 сая еврогоор “Дүүжин тээвэр” барих төсөл боловсруулна

60,7 сая еврогийн өртөгтэй төсөл 40 жилийн хугацаатай хэрэгжинэ. Нэн хөнгөлөлттэй буюу 12 жил зээлийн үндсэн төлбөрөөс чөлөөлөгдөх төсөл.

Баянхошууны уулзвар- Ханын материал – 3.4-р хорооллын эцэс хүртэл нийт 4,9 км замын хүрээнд хийнэ.

Өдөрт 22 мянган зорчигч тээвэрлэгдэнэ. 16 минутад иргэдийг тээвэрлэнэ гэж үзэж байна. Буудал хооронд 1,6-6км байхөөр төлөвлөжээ.

Агаарын бохирдол, автозамын түгжрэлийг бууруулна. 22-110 метр өндөр цамхагт тээвэрлэнэ. Нэг кабинд 8-10 зорчигч тээвэрлэнэ. 2020 оны 02-р сарын 05-ны өдөр Франц улсын Загсийн газар, Сангийн яамтай байгуулсан Санхүүгийн хэлэлцээрийн дагуу хийгдэнэ.

Өнөө гөлөө Аэрофлотын онгоц 06,40 цагт буусан. Ингэснээр Монголд ирэх нислэг дууссан. Өнөөдрөөс Москва, Туркээр дамжиж ирэх зорчигчдыг МИАТ-ийн онгоцоор татаж авна.

---