АМГТГ-ын орлогч дарга Ц.Эрдэнэбаяр шатахууны нөөцийн талаар тайлбар мэдээлэл өглөө. Тэрбээр улсын хэмжээнд АИ-92 шатахууны нөөц 32 хоног, дизель түлш 39 хоногийн нөөцтэй байна.

Шатахууны хомсдол үүссэн зүйл байхгүй. Он гарснаас хойш коронавирустэй холбоотойгоор түүхий нефтийн үнэ буурсан байгаа. Баррель тосны үнэ өнгөрсөн нэгдүгээр сараас 70-50 ам.доллар хүртэл буусан. Энэ буурсан үнэ ОХУ-аас гуравдугаар сарын сүүлээр орж ирнэ. Энэ сарын ихээр АИ-92 автобензиний үнэ буурсан үнээр орж ирсэн. Гэхдээ ам.долларын ханшны зөрүүг хасаад шатахууны үнэ литр тутамдаа 30-50 төгрөгөөр буулгах боломжтой. 

 Түүнчлэн хөдөө орон нутаг руу автобензины тээвэрлэл хэвийн явагдана. Уг асуудалд шатахуун импортлогч компаниуд хэрхэн ажиллах талаар зөвлөмж, зөвлөгөө өгсөн.

-Франц улсын иргэний орчуулагч танай байгууллагад ажилласан энэ талаар мэдээлэл өгөхгүй юу?

-Тухайн орчуулагчийн хувьд энэ сарын 2-5-ны хугацаанд АМГТГ-т ирж ажилласан байгаа. Иймээс манай газар бүтэн хөл хорио тогтоож, бүх ажилчдаа цахимаар ажлаа хийхийг даалгасан байгаа. Тухайн орчуулагчтай контакт авсан байж болзошгүй хүмүүсийг холбогдох газарт мэдүүлж, шинжилгээ авахуулан тусгаарлаад байна.

• А-80-7103 тонн
• АИ-92-47763 тонн
• АИ-95-4247 тонн
• АИ-98-187
• Дизелийн түлш-113 855 тонн
• Онгоцны түлш ТС-1-5088 тонн
• Шингэрүүлсэн шатдаг хий-2849 тонн
• Бусад- 15603 тонн 

---