Коронавирусийн халдвар тээгч франц иргэний хамгийн ойрын хавьтагч болох орчуулагч эмэгтэй болон "Арева"-гийн Монгол талын захирал нарын хамт АМГТГ-т гурван өдөр ажилласан. Үүний улмаас 100 гаруй ажилтантай тус газрыг өнөөдөр тарааж, ажилчдыг ажлаа цахимаар хий гэсэн шийдвэр гаргасан гэх мэдээлэл гараад байна. Бид АМГТГ-ын орлогч дарга М.Энхжаргалтай холбогдож тодруулга авлаа.

Түүний хэлж буйгаар АМГТГ-т франц иргэн ирээгүй бөгөөд энэ мэдээлэл худал хэмээн үгүйсгэлээ. Гэхдээ орчуулагч н.Баярмаа гэх эмэгтэй АМГТГ-т 2-3 хоног ажилласан нь үнэн гэсэн юм.

Иймд ойрын хавьтагч биш учир тухайн байгууллагын ажилчдыг шинжилгээнд хамруулах асуудал одоохондоо яригдаагүй байна гэсэн юм.
Түүнчлэн АМГТГ-ын бүх ажилчид цахимаар буюу дотоод сүлжээгээрээ ажлаа хийж байгаа хэмээн орлогч дарга М.Энхжаргал онцоллоо. 

---