Энэ сарын 10-ны 07:00 цагаас энэ сарын 16-ны 07:00 цаг хүртэл улс орон даяар хөдөө орон нутаг руу зорчих хөдөлгөөнийг бүрэн хаасан талаар өнөөдөр ТЦА-наас мэдээллээ. 

Аймаг, сум руу орох, гарах хөдөлгөөнийг бүрэн хаасан. Харин ачаа тээврийн үйл ажиллагаа хэвийн явагдаж байгаа. Зорчигчдын хөдөлгөөнийг хаасан. Нийслэл хотоос нэг ч иргэнийг гаргахгүй. Орон нутгаас хот руу гарсан зорчигчдын хөдөлгөөний хувьд хот руу оруулна.

Гэхдээ асуумж болон эрүүл мэндийн байдлыг шалгана. Хөдөө орон нутгаас гарсан зорчигчдын хөдөлгөөн өнөөдөр 20 цаг хүртэл үргэлжлэхээр байна. Иргэдийн хувьд хууль бус замаар зорчиж байвал торгуулахаас гадна нь хууль зөрчсөн гэж үзнэ.

---