Гэр хорооллыг дахин төлөвлөн барилгажуулах үйл ажиллагааны явц, тулгамдаж байгаа асуудал, цаашид хэрэгжүүлэх арга хэмжээний талаар өнөөдөр/2020.03.06/ нийслэлийн Засаг даргын зөвлөлийн хуралдаанаар хэлэлцжээ.

Улаанбаатар хотын суурьшлын бүсийн нийт 35 мянган га талбайн 6711 га талбай нь барилгажсан бол 9752 га талбай нь гэр хорооллын хэсэг юм. Үүнээс гэр хорооллын 1426 га талбайд дахин төлөвлөлт хэрэгжүүлэх шийдвэр гарчээ. Дахин төлөвлөлтийн хүрээнд 20 хэсэгчилсэн талбайд 15 аж ахуйн нэгж ажиллаж байгаа бөгөөд нийслэлийн найман байршилд төсөл хэрэгжүүлж буй эдгээр аж ахуйн нэгжүүд одоогийн байдлаар 35 хувийн гүйцэтгэлтэй байгаа ажээ.

2014-2019 оны байдлаар дахин төлөвлөлтийн хүрээнд нийт 9229 айлын орон сууц ашиглалтад орсон бол энэ онд 3086 айлын орон сууцыг ашиглалтад оруулах төлөвлөгөөтэй байгаа аж.

 

Уг хуралдаанаар дахин төлөвлөлтийн журмыг төслийг шинэчлэх асуудлаар ажлын хэсэг байгуулж ажиллахыг холбогдох албаныханд чиглэл болгожээ.

---