Австралийн Мэлбурн хотод тансаг зэрэглэлийн загварын дэлгүүрээс алдарт Versace брэндийн чамин хүзүүний зүүлт хулгайлагджээ. Зүүлтийг хулгайлсан этгээд загасны уурга дэгээ ашиглан манекенаас тайлж авсан тухай цагдаагийн газраас мэдэгдсэн байна.

Хулгайн гэмт хэрэг өнгөрсөн хоёрдугаар сарын 24-ний өдөр гарсан ба өнөөдөр Мэлбурн хотын цагдаагийн газар бичлэгийг олон нийтэд дэлгэн харуулжээ. Бичлэгт үл таних эрэгтэй загасны уургаар хүзүүний зүүлтийг авч байгаа ч бичигдсэн ба энэ үеэр гудамжинд хүнгүй хоосон байжээ.

Эрх баригчид сэжигтэн дэлгүүрийн урд хэсгийн шилэн цонхонд жижиг нүх гаргасан гэж үзэж байна. Уг нүхээр уургыг оруулж дэлгүүр дотор байгаа зүүлтийг гартаа оруулсан ажээ. Гэвч эрэгтэй зүүлтийг гартаа оруулахын тулд гурван цаг орчмын хугацаа зарцуулсан байна. 

 

WATCH: Security footage shows a man using a fishing rod to remove a Versace necklace from a mannequin within the store just after 2am. pic.twitter.com/9S103jZjv4

— Victoria Police (@VictoriaPolice) March 3, 2020

 

 Одоогоор алдагдсан зүүлтний үнийг олон нийтэд дэлгээгүй, сэжигтэн баригдаагүй. Тиймээс цагдаагийн газраас сэжигтнийг эрэн сурвалжилж, зургийг нь олон нийтэд дэлгэн, холбоотой мэдээ мэдээлэл өгөхийг иргэдээс хүсчээ. Сэжигтэн цагаан арьстай, 40-50 орчим насны, богино үстэй, 152 см орчим өндөртэй байсан гэж цагдаагийн газраас мэдэгджээ.

Эх сурвалж: CNN

---