Сэлэнгэ аймгийн Алтанбулаг сумын боомтоор гуравдугаар сарын 02-04-ний өдөр орж ирсэн 153 автомашинтай 367 зорчигч, Эрхүү-УБ чиглэлийн хоёр цуваа 12 вагоны 81 зорчигчийн эрүүл мэндийн байдалд хяналт хийж үзэхэд "COVID-19" голомттой бүс нутгаар зорчсон сэжигтэй 34 зорчигч байжээ.

Тиймээс дээрх 34 зорчигчийг ажиглалтад тусгаарлаж, Дархан-Уул аймгийн Онцгой комисст шилжүүлсэн хэмээн НМХГ-аас мэдээллээ.

Сэлэнгэ аймгийн Алтанбулаг сумын “Сүхбаатар” боомтод Нийслэлийн мэргэжлийн хяналтын газрын эрүүл ахуй халдвар хамгааллын хяналтын улсын байцаагчид томилогдон ажиллаж байгаа бөгөөд Сэлэнгэ аймаг дахь Хилийн мэргэжлийн хяналтын албаны улсын байцаагчидтай хамтран ОХУ-аа орж ирж буй автомашин, галт тэргэнд хяналт шалгалт хийж байгаа аж.

 

---