Нарлаг элсэрхэг далайн эргийн тэн хагас нь энэ зууны төгсгөлд үгүй болно гэж судлаачид анхааруулж байна. Энэ нь хүн төрөлхтөний оролцоо болон цаг уурын өөрчлөлтөөс улбаалсан үерээс шалтгаалах ажээ.

Элсэрхэг далайн эрэг устаж усанд идэгдсэнээр зэрлэг ан амьтдад аюултай бөгөөд эргийн орчимд байрладаг хүн амын суурьшил үгүй болно гэж үзэж байна. 30 жилийн дотор дэлхий дээр байгаа нарлаг далайн эргийн 13,6 хувь буюу 36,097 км устаж үгүй болно гэж Европын комиссын хамтарсан судалгааны төвийн шинжээчид танилцуулжээ. Тэдний үзэж байгаагаар энэ зууны хоёрдугаар хагаст байдал улам дордох ба элстэй эргийн 25,7 хувь нь буюу 95,061 км устах эрсдэлтэй байна.

Судалгааг хийсэн эрдэмтэд дэлхийн оршин суугчид нүүрстөрөгчийн ялгарлыг бууруулахаар хичээх ч далайн усны түвшин энэ зуунд 80 см-ээр нэмэгдэнэ гэж тооцжээ. Улс орнуудыг ангилан авч үзвэл Их Британи улс элсэн далайн эргийнхээ багадаа 27 хувийг, ихдээ 43 хувийг, харин Австрали, Канад улсууд тус бүр 14,000 км гаруйг, араас нь Чили улс 6,659 км, Мексик 5,488 км, Хятад 5,440 км, АНУ 5,530 км үргэлжлэх нарлаг элстэй далайн эргээ алдах тооцоо гарсан байна.

Далайн усны түвшин нэмэгдэж үер усны аюул нүүрлэснээс болж эргүүдэд барьж байгуулсан дэд бүтцэд асуудал тулгарч, байгалийн бүтэц элсэрхэг байдал нь өөрчлөгдөнө гэжээ.

Эх сурвалж: The Guardian

---