Монгол Улсын иргэд БНСУ-аас ОХУ-аар дамжин ирж байгаатай холбогдуулан Сэлэнгэ аймгийн Онцгой комиссоос автобус гаргаж, найман иргэнийг өчигдөр шөнө (2020.02.29-2020.03.01 шилжих) 23:25 цагт Сэлэнгэ аймгийн Алтанбулаг боомтоор татан авч хил нэвтрүүллээ.

Эдгээр иргэдийг улсын хилээр нэвтрэх үед Мэргэжлийн хяналтын байгууллагаас хяналт тандалт хийж, сэжигтэй хоёр иргэнийг тусгаарлажээ. Улмаар аймгийн Халдвартын тасагт шилжүүлэн, 6 иргэн, 1 жолооч, нийт 7 иргэнийг Алтанбулаг дахь Тусгаарлах байранд байрлуулан ажиглалтад аваад байна.

---