БНХАУ коронавирусийн тархалтаас урьдчилан сэргийлэх үүднээс чанга яригч суулгасан дрон ашиглан вирусийн эсрэг гаргасан хориг, дүрмийг биелүүлээгүй иргэдэд хяналт тавьж эхэлжээ.

Бичлэгт ӨМӨЗО-ны нэгэн эмэгтэйг "Та амны хаалт зүүгээгүй явж болохгүй, та одоо гэртээ харина уу" хэмээн анхааруулж, өөр нэгэн эрийг "Та яагаад гадуур амны хаалтгүй яваад байна? Шаардлагагүй бол битгий гар, битгий инээгээд бай, юугаа харсан юм, унаандаа суу, яаралтай гэртээ харь", "Хөөе жаал аа! Яагаад амны хаалтгүй яваад байна, коронавирус бол тоглоом биш, хурдан харь" гэх мэтээр гэж шаардаж буй аж.

---