УИХ-ын гишүүн Ж.Энхбаяр нь үндэслэлгүйгээр сэтгүүлчдийг гүтгэж цагдаагийн байгууллагад удаа дараа өргөдөл гаргасан асуудлаар сэтгүүлч Ц.Өнөрцэцэг ЦЕГ-ын Нийтийн хэв журмын газрын гадаа сэтгүүлчдэд мэдээлэл хийж байна. 

Сэтгүүлч Н.Өнөрцэцэг: 

-Манай zarig.mn сайтад УИХ-ын гишүүн Ж.Энхбаярын хамаарал бүхий компани 800 хятад иргэнийг оруулж ирсэн талаар бичсэнээс үүдэн ЦЕГ-т Зөрчлийн хэргийн зүйл ангиар шалгуулж байна. Сонгууль дөхсөн энэ үед улс төрчид сэтгүүлчдийг цагдаагийн байгууллагаас уяж залхаах зорилготой үйл ажиллагаа гэж бид үзэж байгаа. Энэ үйлдэл нь хэвлэлийн эрх чөлөөнд халдаж байна. 

---