Дэлхийн хүн ам 2011 онд долоон тэрбум давж, одоогоор 7.8 тэрбум болоод байна. Тэгвэл 2023 он гэхэд найм, 2037 онд ес, 2056 онд арван тэрбум давахаар байгаа аж. Ерөнхийдөө дэлхийн хүн ам жилд дунджаар нэг хувиар өсөж байгаа бөгөөд цаашид ердөө 0.5 орчим хувиар өсөх хандлагатай байгааг мэргэжилтнүүд онцолж байна. Одоогоор хүн амын тоогоороо Хятад тэргүүлж, Энэтхэг хоёрдугаарт бичигдэж байгаа.

Харин 2027 он гэхэд хоёр улс байраа сольж, Энэтхэг тэргүүлж эхлэхээр байгаа юм. Ангол, Буркина Фасо, Ардчилсан Конго, Мозамбик, Нигер, Танзани, Уганда Улсад хүн ам өсөх бол Грек, Унгар, Итали, Япон, Польш, Испани, Хятад, Герман, Орос, Өмнөд Солонгос зэрэг улсад төрөлт буурч, хүн амын тоонд эзлэх хөгшчүүдийн тоо эрчимтэй нэмэгдэхээр байгаа юм. Ерөнхийдөө ирэх 10-20 жилийн хугацаанд дэлхийн улс орнуудын тулгамдаж буй асуудал нь ажиллах хүчний дутагдал, хүн амын хөгшрөлт байна гэдгийг судлаачид онцолж байна.

Тухайлбал, Иелийн их сургуулиас явуулсан судалгаагаар, ойрын 10-20 жилийн хугацаанд том хүний живхний эрэлт хүүхдийнхийг давахаар байгаа юм. Том хүний живхний эрэлт 2011 оноос эрчимжиж эхэлсэн бөгөөд одоо хүртэл үргэлжилсээр байгаа гэнэ. Эмэгтэй хүн дунджаар хоёр болон түүүнээс олон тооны хүүхэд төрүүлдэг байсан бол 2010 оноос хойш идэвхтэй буурсаар байгаа гэнэ.

Эх сурвалж: https://www.todayonline.com/commentary/2050-90-countries-will-have-ageing-population-heres-why-such-demographic-figures-matter

---