Хил хаасантай холбоотойгоор шахмал түлшний барьцалдуулагчийн импорт зогсч, үйлдвэрлэл саарна гэх мэдээлэл гараад байгаа юм. Учир нь шахмал түлш үйлдвэрлэхэд нэн шаардлагатай барьцалдуулагч бодисыг урд хөршөөс импортлон оруулж ирдэг юм. Тиймээс бид уг асуудлыг Эрчим хүчний сайд Ц.Даваасүрэнгээс тодрууллаа.

Эрчим хүчний сайд Ц.Даваасүрэн:
-Шахмал түлшийг барьцалдуулагчгүйгээр ч хийж болно. Өдөрт 5 тонн орчим барьцалдуулагч ашигладаг. Одоогоор 10 хоногийн нөөцтэй байна. Гурилаар ч орлуулж болдог учраас нэг их хүндрэл үүсэхгүй.

-Дулааны станцуудыг Эрчим хүчний яамны дэргэд авснаар ямар өөрчлөлт гарч байна вэ?
-Мэдээж эзэнгүй байсан юм эзэнтэй болсон. Гэхдээ үнэ нэмээгүй учраас алдагдалтай хэвээр байна. Өнгөрсөн онд 23 тэрбумын алдагдалтай байсан бол энэ жил 10 гаруй тэрбумын алдагдалтай байна.

-Оюутолгойн гэрээг сайжруулах ажлын хэсэг Засгийн газар дээр байгуулагдсан. Ажил ямар шатандаа байна?
-Эхний хурлаа хийсэн. ТУЗ-д тавих шаардлагыг өндөрсгөх асуудал ярьж байна. Тодорхой шалгуур тавиад, сонгон шалгаруулалт зарлаад тэнцэхгүйг нь хасаад, тэнцэхийг нь Оюутолгойн ТУЗ-д ажиллуулах зарчмаар явна.

 

---