- Нүүр
- Улс төр
- Видео мэдээ
- Чуулган
- Нийгэм
- Хууль эрх зүй
- Соёл урлаг
- Хэрэг зөрчил
- LIVETV CONTENT
- Бусад категори
Зургийн тайлбар: Айка хочит С.Оюунбат. Өмнө ял эдэлж байсан. Нэгжлэгээр гэрээс нь “Мөс” илэрсэн
ЭЦА-ны Зохион байгуулалттай гэмт бүлэг, Хүн худалдаалах гэмт хэрэгтэй тэмцэх хэлтсийн алба хаагчид өнгөрсөн шөнө буюу 2020 оны нэгдүгээр сарын 29-ний өдөр урьд өмнө удаа дараа ял шийтгэл эдэлж байсан Б болон НҮБ-ын 1971 оны “Сэтгэцэд нөлөөт бодисын тухай” конвенцийн 2 дугаар жагсаалтанд багтсан метамфетамины агууламжтай сэтгэцэд нөлөөт бодис “Мөс”-ийг борлуулж байсан О, Т нарыг баривчилсан талаар хэвлэл мэдээллээр мэдээлсэн.
Эдгээр хүмүүсийн нэрийг livetv.mn эрэн сурвалжилж олсноо зарлаж байна.
Урьд өмнө удаа дараа ял шийтгэл эдэлж байсан Б гэдэг нь Ландага хочит Ё.Батцэнгэл байжээ. Ё.Батцэнгэлийн гэрт үзлэг, шалгалт хийхэд 0.3 гр “Мөс” илэрсэн байна.
Ё.Батцэнгэлд “Мөс” борлуулж байсан О, Т гэдэг нь С.Оюунбат, Тунгаа нар бөгөөд Айка хочит С.Оюунбат нь өмнө ял эдэлж байсан бол Тунгаа нь цагтаа “гэр бүлээрээ хар тамхи худалдаалж байсан” хэмээн хэвлэлийн хуудаснаа гарч байсан байх юм.
Тодорхой хэлбэл, Тунгаа нь өөрийн хоёр охин, хүргэний хамтаар олон жилийн турш хар тамхи хэрэглэж байгааг цагдаагийн байгууллага тогтоосон. Мансуурахын тулд хар тамхи сурталчлан, борлуулдаг болох нь удаа дараагийн үйлдлээр нь тогтоогдсон тул энэ удаад хатуу ял шийтгэл хүлээх байх гэж ЭЦА-ныхан үзэж байна.
Өчигдөр шөнө С.Оюунбат, Тунгаа нарын гэрт явуулсан нэгжлэгийн үед 21 гр орчим цагаан өнгийн нунтаг бодис, мансууруулах эм, сэтгэцэд нөлөөт бодис хэрэглэхэд ашигладаг тусгайлан бэлтгэсэн багаж, хэрэгслүүдийг илрүүлэн эд мөрийн баримтаар хураан авч ЦЕГ-ын Хар тамхитай тэмцэх газартай хамтран холбогдох шалгалтын ажиллагааг явуулж байгаа юм байна.