АНУ-ын Умард Дакотагийн Фарго хотын оршин суугч PBS сувгийн “Antiques Roadshow”-д оролцсон байна. Уг шоу нь АНУ-ын өнцөг булан бүрт нуугдсан эртний үнэт эдлэлийг танилцуулдаг уламжлалтай.

Шоуны оролцогч 1974 онд 345 ам.доллараар худалдаж авч байсан Rolex брэндийн Oyster Cosmograph Reference No.6263 загварын бугуй цагаа танилцуулж, орчин үед хэрхэн үнэлэгдэхийг нь мэдэхийг хүсчээ. Тэрээр 40 гаруй жилийн өмнө худалдаж авч байсан түүний цаг өдгөө 400,000 ам.доллар буюу анх худалдаж авч байсан үнээсээ мянга дахин өссөнийг мэдсэн байна.

Цагны эзэн АНУ-ын нисэх хүчинд алба хааж байхдаа тухайн үеийн сарын цалингаараа цагийг захиалж авсан байна. Ингэхдээ Rolex брэндийн цаг усан доор шумбахад тохиромжтой, сайн брэнд гэж сонссон тул захиалжээ. Харин цагаа авсны дараа маш гоёмсог дэгжин харагдаж байсан тул далайн давстай усанд дүрэх хайран санагдаж хайрцагт нь хийн хэдэн арван жилийн турш хадгалсан байна. Тиймээс нэг ч удаа зүүгээгүй цоо шинэхэн Rolex бугуйн цагны ханш нэмэгдэж 500,000-700,000 ам.долларт хүрнэ гэж шинжээчид дүгнэжээ.

Эх сурвалж: CNN

---