- Нүүр
- Улс төр
- Видео мэдээ
- Чуулган
- Нийгэм
- Хууль эрх зүй
- Соёл урлаг
- Хэрэг зөрчил
- LIVETV CONTENT
- Бусад категори
Швейцарийн Давос хотноо Дэлхийн эдийн засгийн чуулга уулзалтад оролцож буй Монгол улсын Ерөнхийлөгч Х.Баттулга өчигдөр дэлхийн цаг уурын өөрчлөлтийн эсрэг тэмцэгч Шведийн иргэн Грета Тунберг охинтой уулзсан байна. Уг уулзалтаар Ерөнхийлөгч Тунберг охиныг энэ жилийн есдүгээр сард Монгол улсад айлчлахыг урьжээ.
Ирэх есдүгээр сарын 13-19-ний хооронд Улаанбаатар хотноо Олон улсын залуучуудын ногоон наадам болох юм. Уг арга хэмжээнд НҮБ-ын Тогтвортой хөгжлийн зорилтод багтсан дэлхийн 195 орны төлөөлөгчид хүрэлцэн ирнэ. “Тогтвортой хөгжлийн зорилтууд-2030” сэдвийн хүрээнд зохион байгуулагдах ногоон наадамд 18 хүртэлх насны олон улсын 4,000 орчим тамирчин 19 төрөлд оролцох юм байна.
Грета охин цаг уурын өөрчлөлтийн эсрэг тэмцэхийн тулд долоо хоног бүрийн баасан гарагийн хичээлээ тасалж, эрх баригчдад дуу хоолойгоо хүргэсээр өнгөрсөн жил дэлхийн удирдагчдыг залуусын ирээдүйг хулгайлж байна хэмээн буруутган зэмлэснээр олны анхаарлыг татсан юм. Түүнийг Time сэтгүүл оны хүнээр нэрлэж, Нобелийн энх тайвны шагналд нэр дэвшсэн билээ.
Эх сурвалж: AkiPress