Өчигдөр буюу 2020-01-22-ны өдрийн Засгийн газрын хуралдаанаар Монгол улсаас Бүгд Найрамдах Болгар Улсад суух Онц бөгөөд Бүрэн эрхт Элчин сайдаар Ц.Цэнгэлийг томилохыг дэмжсэн байдаг. /эцсийн шийдвэрийг УИХ-ын чуулганаар гаргана/ Тэрбээр БОАЖЯ-ны төрийн нарийн бичгийн даргын албыг хашиж байгаад оны өмнөхөн ажлаа хүлээлгэж өгсөн бөгөөд тухайн үед элчин сайдаар томилогдох гэж ажлаа хүлээлгэн өгсөн гэх яриа ийн батлагдсан. 

Тэрбээр нэгэн олон улсын хурал дээр эх орноо төлөөлөн үг хэлсэн бөгөөд түүний Англи хэлний чадвар олны эргэлзээг ихэд төрүүлжээ. Төрийн албанд 32 жил зүтгэсэн, манлай уяач цолтой энэ эрхмийн намтар дээр Англи, Орос хэлтэй хэмээн бичсэн байдаг. 

Ц.Цэнгэл нь Уралын Политехникийн дээд сургуулийг эрчим хүчний инженер мэргэжлээр дүүргэсэн. “ТЭЦ-3”-аас ажлын гараагаа эхэлж, Дэд бүтцийн яамны Төрийн нарийн бичгийн дарга, Зам тээвэр, аялал жуулчлалын сайд, УИХ-ын гишүүн, Эрчим хүчний инженерүүдийн холбооны тэргүүн, сүүлд Байгаль орчин, аялал жуулчлалын яамны Төрийн нарийн бичгийн даргаар ажиллаж байжээ. 

Гадаад улсад эх орноо төлөөлөн суух Элчин сайдад тавигдах шаардлагыг Дипломат албаны тухай хуульд ийн заажээ.

Үүнээс гадна аливаа олон улсын хуралд өөрийн орныг төлөөлж оролцож буй хүн нийтлэг хэл буюу НҮБ-ын албан ёсны хэл болох Англи хэлээр илтгэлээ тавих ёстой. Хэрэв тийм боломжгүй гэж үзвэл хуралдаанд илтгэлээ танилцуулж өөрийн хэлээр илтгэлээ тавьж, орчуулга хийлгэх боломж бий. Ц.Цэнгэлийн хувьд энэ боломжийг ашиглахыг хүсээгүй бололтой. 

---