Америкийн цахилгаан машин үйлдвэрлэгч Tesla брэндийн зах зээлийн үнэлгээ 100 тэрбум ам.долларыг давснаар Volkswagen брэндтэй байраа сэлгэж дэлхийн хоёр дахь том автомашин үйлдвэрлэгч компани болсон байна. Элон Маскийн Tesla компанийн хувьцааны ханш өнгөрсөн оны 10 дугаар сараас хойш хоёр дахин нэмэгджээ.

Харин энэ долоо хоногийн лхагва гарагт хувьцааны ханш дахин дөрвөн хувиар нэмэгдсэнээр Японы Toyota корпорацийн дараа хоёрдугаарт эрэмбэлэгдсэн байна. Toyota-ын зэх зээлийн үнэлгээ 230 тэрбум ам.доллар давжээ.

Автомашины салбарын зарим шинжээчдийн таамаглаж байгаагаар Элон Маск Tesla цахилгаан машинхаа үйлдвэрийг Хятадын Шанхай хотод нээсэн нь богино хугацаанд хувьцааны ханш өсөхөд нөлөөлсөн байна. Өнгөрөгч 2019 онд Tesla 367,500 ширхэг машин зарсан нь 2018 оны борлуулалтаа 50 хувиар өсгөсөн амжилт байсан юм. Хэдийгээр хувьцааны ханш өссөн ч борлуулалтаараа өрсөлдөгчдөө гүйцэхэд багагүй хугацаа шаардлагатай.

Volkswagen өнгөрсөн жил бараг 11 сая машин борлуулсан бол Toyota 2019 оны эхний 11 сард есөн сая машин заржээ. Tesla хэзээ ч жил бүрийн ашиг орлогоо албан ёсоор зарладаггүй ба цахилгаан машины зай хураагуур шатсан болон хурдны асуудлаар үйлчлүүлэгчид гомдол мэдүүлсээр ирсэн юм.

Эх сурвалж: The BBC

---