Их Британийн ВВС агентлагийн судалгаагаар Монгол улс элэгний хорт  хавдрын нас баралтаар дэлхийд тэргүүлж байна. Уг өвчнөөр нас барагсдын тоо дэлхийн улс орнуудын дунджаас зургаа дахин их байна гэжээ.

Тиймээс Даваасүрэнгийн Одонтуяа эмч хорт хавдартай ч асаргаа сувилгаанд хамрагдаж чадахгүй байгаа өвчтөнүүдэд туслах аян санаачилжээ.

Д.Одонтуяа: “15 жилийн өмнө Монгол улсад хорт хавдартай тэмцэж байгаа өвчтөнүүдэд хөнгөвчлөх үйлчилгээ үзүүлдэггүй байсан. Тэд гэртээ зовиурлаж, өвдөж байгаад л нас бардаг байлаа.  Бид улсын 21 аймаг бүгдэд нь хөнгөвчлөх үйлчилгээ үзүүлж байна.”

Тэрээр хорт хавдраар зовиурлан өвдөж байгаа хүмүүст туслах Үндэсний хөнгөвчлөх хөтөлбөрийг санаачлан хэрэгжүүлжээ.

Монгол улсад элэгний хорт хавдрын өвчлөл нэмэгдсээр байгаа нь хорт хавдар үүсгэгч вирусын тархалт, согтууруулах ундааны хэрэглээ их байгаатай холбоотой.

Засгийн газар хорт хавдрыг эхний шатанд илрүүлэх хөтөлбөр хэрэгжүүлж байна. Гэсэн ч Одонтуяа эмч илүү олон хүнд энэ үйлчилгээг хийх шаардлагатай болсоор байна.

Д.Одонтуяа: “Хорт хавдраар өвчилсөн хүмүүсийн гэр бүл тэсвэр тэвчээртэй байх хэрэгтэй. Учир нь нийгмийн асуудал, өвчин шаналлаас болж гэр бүлд бэрхшээл их гардаг. Хүн бүр өвчин шаналалгүй амьдрах, мөн хорвоогийн мөнх бусыг үзүүлэх эрхтэй учраас хөнгөвчлөх эмчилгээ маш чухал.”

Эх сурвалж: www.bbc.com

---