Олон улсын сансар судлалын станц дэлхийгээс гадна тойрог замд нэгдэн үйл ажиллагаагаа амжилттай явуулж байгаа бол дэлхий дээр өөр нэгэн станцыг байгуулжээ. Гэвч энэ станц ердөө 80 гаруй см өндөртэй, хэдэн зуун ширхэг хуванцар хавтангаар хийгдсэн байна.

Хүн төрөлхтөн олон улсын сансар судлалын станцад удаан хугацаагаар байрлаж, судалгаа шинжилгээ явуулах болсны 20 жилийн ойг угтаж станцын хэлбэр, загварыг дуурайлган лего тоглоом үйлдвэрлэжээ. 1998 онд олон улсын сансар судлалын станц аялалд гарсан ч 2000 оноос эхлэн судлаачдыг удаан хугацаагаар байрлуулж, өөрөөр хэлбэл хүн амьдарч эхэлсэн түүхтэй.

Лего тоглоомыг ирэх хоёрдугаар сарын 1-ний өдрөөс эхлэн борлуулахаар төлөвлөжээ. Мөн Lego компани өөрсдийн үйлдвэрлэсэн тоглоомоо агаарын бөмбөлөгтэй холбон, нар жаргах үед дэлхийн гадаргуугаас 50 км-ын өндөрт хөөргөх юм байна.

Шинээр үйлдвэрлэгдэж буй энэ загвар 843 ширхэг лего хавтангаас бүрдэх ба НАСА-ын мэргэжилтнүүд эх хувьтай нь харьцуулан баталжээ. Олон улсын сансар судлалын станцын жинхэнэ хувилбар таван унталгын өрөөтэй байшинтай дүйцэх ажээ. Харин лего хувилбарыг 69,9 ам.доллараар зарах юм байна.

Эх сурвалж: The Businessinsider

---