Цагдаагийн ерөнхий газрын Мөрдөн байцаах газраас орон байрны хулгайн 40 удаагийн үйлдэлтэй хулгайн гэмт хэрэг илрүүлжээ. Уг хэрэгт 13 настай хүүхэд холбогдоод байна.

Нийслэлийн цагдаагийн газрын мөрдөн шалгах газрын хулгайлах гэмт хэрэгтэй тэмцэх алба хаагчид өчигдөр нийслэлийн гэр хороолол, орон байрнуудаар хулгайн гэмт хэрэг үйлддэг бүлэг этгээдүүдийг илрүүлсэн. Уг бүлэг этгээдтэй хамт насанд хүрээгүй 13 настай хүүхэд хулгайн гэмт хэрэгт холбогдон бөгөөд мөрдөн шалгах үйл ажиллагааг явуулж байна.

13 настай М нь 2019 оны сүүлээр ар гэрийн асуудлаас болоод өөрийн хүсэлтээр хулгай хийх болжээ. Түүний ах архи уун дарамталдаг байсан гэнэ. "Гэр хорооллын айл өрхүүд эзэнтэй эзэнгүйг өөрсдөө ороод мэддэг. Тухайн айлаас үнэд хүрэх эд хэрэгслийг аваад ломбард захад худалдаалдаг. Гэрийнхэн нь хулгай хийдэг гэдгийг мэдэхгүй, хаанаас мөнгө олсон гэхлээр ажил хийж олсон" гэх хариултыг өгсөн юм.  Уг хэргийг мөрдөн шалгах газар үргэлжлүүлэн шалгаж байгаа юм.

---