Афганистан болон Пакистан улсуудад хүндхэн өвөл тохиож, их хэмжээний хуртунадас унаснаас хөрсний гулсалт, цасны нуранги үүсч одоогоор 130 гаруй хүн амь насаа алдаад байна. Мөн ард иргэд их хэмжээний цасанд боогдоод байгаа талаар эх сурвалжууд мэдээлжээ.

Пакистан улсад ойрын өдрүүдэд 93 хүн амь үрэгдэж, 76 хүн бэртэж, тодорхой тооны иргэд сураггүй алга болсон байна. Харин Афганистанд 39 хүн амиа алджээ. Цаг уур судлаачид цаг агаарын байдал улам бүр хүндэрнэ гэдгийг анхааруулж байна.

 

 

Тэр дундаа Кашмирын бүс нутагт өвөлжилт хамгийн хүнд байгаа гэжээ. Цас их орж нуранги үүссэнээс нэг тосгонд л гэхэд 20 орчим иргэн үрэгдсэн байна. Эрх баригчид сургуулиудыг хэсэг хугацаагаар хаасан ба уулархаг бүс нутагт цасанд боогдсон иргэдэд туслахыг хичээж байна.

 

 

Пакистан улсын Ерөнхий сайд Имран Хан цасны нурангид дарагдаж олон хүн сураггүй алга болж байгааг мэдэгджээ. Иргэдийн амь нас эрсдэхээс гадна хэдэн зуун айлын байшин нурангид дарагдаж сүйдсэн байна.

 

Эх сурвалж: The Guardian

---