Тусгай зориулалтаар 2019 онд 86 угалз, 95 тэх,40 халиун буга, 37 бор гөрөөс, 45 зэрлэг гахай, 160 цагаан зээр, 30 саарал чоно, агнуурын шувуу 500, тул загас 500 ширхэгийг агнуулах тогтоолыг Засгийн газраас гаргасан.

Тусгай агнуур дуусаад, 2020 онд тусгай зориулалтаар агнуулах тоогоо оноос өмнө гаргасан байх учиртай. Гэвч тусгай зориулалтын агнуур дууссан эсэх нь тодорхойгүй, цахим хуудаст аргаль, угалз агнасан бичлэг гарч, зарим иргэдийн дургүйцлийг төрүүлсээр байна. Тухайлбал, Иргэн Амар,

"Олон улсад аргаль, угалз агнахыг хориглосоор байтал манай улсад зөвшөөрөл өгч агнуулаад байдаг нь буруу" хэмээн нэгэн анч эрийн зураг, бичлэгийг хуваалцжээ.

Мөн зарим иргэд "манай улс агнуурын ач холбогдол бүхий амьтдынхаа тоог бүрэн гаргаж чаддаггүй хэрнээ агнах зөвшөөрөл олгодо хачин тогтолцоотой" хэмээн үзэх нь ч бий. 

Уг нь нэг аргаль, угалзыг 25000 доллараар  агнуулж, ангийн төлбөрийн 50 хувийг тухайн амьтныг хамгаалахад зарцуулах хуультай. Гэтэл уг хуулийг хэрэгжүүлж мөрддөг эсэх нь ч мөн бүрхэг байдаг. Тиймээс цаашид агнуурын ач холбогдолтой ан амьтдаа бүртгэлжүүлэх, хуулийг хэрэгжүүлэх нэн шаардлага байгаа нь энэ бүхнээс харагдаж байна. 

---